Shillong: Ha ka 17tarik Risaw 2020 ka Khatarshnong Area Sports Club, ka la pynlong ia ka General Meeting hapoh ka iingdorbar jong ka shnong Khrang ban jied bad ban pynthymmai ia ki nongkitkam ha ka Seng.
Ha kane ka sngi ia ka jingialang la pyniaid da U Vice President Bah Khambit Sing Khongshei uba shah jied syndon kum u President, Vice President ba thymmai bah Lamkupar Sohkhlet, ia ka kam Genl Secretary dang bat hi da u Samla Iamangstone Mawkhiew, Ast Genl Secretary Samla Laitphas Shabong, Sports Secretary Samla Iengskhem Mawkhiew uba dei u Ast Genl Secretary barim, Ast Sports Secretary Samla Tishu Khongsit, Finance Secretary Samla Rahmaniam Mawkhiew bad u Adviser bah Stogen Lynrah. Ki member ki long u Samla Ktawbinson Mawkhiew, samla Sto Dohling, samla Tenlang Diengdoh, samla Khlainborlang Majaw, bad Henry Diengdoh. Kine ki nongkitkam kin neh ha ki 3snem kata naduh u snem 2021 haduh 2023.
Ha kane ka General Meeting la shim ruh ia ki rai ban kham pynbha shuh shuh ia ia ka rukom trei kam bad ruh ban thaw lad thaw lynti ban lah ban kyntiew ia ki samla ha ka liang ki sports khnang kan long ka jingmyntoi ia ki samla kiba don ka sap ha kane ka liang.
Ha kane ka sngi lah ioh ka report na u General Secretary uba batai ia ka jingiaid lynti jong ka Seng naduh u snem 2011, ba la thaw ia ka bad ia ki jinglut jingsep baroh haba iadei bad ki jingpynlong ia ki program bapher bapher bad ia ki tournament ha ka thain.
Phi don ban ong eiei?