Pynthut ka bording ha Ummulong

Shillong,27 Nailur:
Ki khynnah skul ba dang ia leh ia ka eksamin Selection (Private) jong ki ha Ummulong ki la pynpaw ia ka jingsangewsih halor ka jingduh bording kaba shi taiew shilynter ha katei ka jaka ha kaba ki la ong ba katei ka jingduh bording ka la pyndik palat ia ka jingkhreh kot jong ki. Uwei na ki khynnah skul uba leit skul ha Ummulung Presbyterian u la iathuh ha u nongthohkhubor u la ong ba baroh ki para khynnah ki khnuim ia katei ka jingbym don light ha Ummulong kaba pynthut palat ia ka jingpynkhreh eksam jong ki.
Haba la kylli la ki la leit mih ne em sha ka tnad ba dei peit halor katei ka jingduh ding ha katei ka shnong , u la ong ba ki la ong ba duh u Transformer. Halor katei ka jingduh bording tang na ka bynta ka jingduh utei u Transformer ki khynnah pule ki la kyrpad ia ka tnad ba kan shim khia ban peit ba ka bording kan ym thut ha katei a thain khamtam haba la jan ka eksamin sa ki khynah skul.