Shillong:Ki nongialam shnong jong ka Diengpasoh Pyllun, mynhynnin ka nohphai sngi, ka 3 tarik u Ïaiong, ki la wan ban pynshai paitbah halor ka jingwan kynthoh bad wan pynthoh bria ia ka dorbar shnong baroh kawei da ki Nongialam jong ka seng HANM, napoh ka Shiliang umkhen circle ba la ialam khmat da u bah Lamphrang Kharbani ba u Sordar shnong ka Diengpasoh u leh donbor.
Ka jingkren jong u bah Lamphrang kharbani, ka la ktah mat ïong bad pynkhih win ia ka shnong baroh kawei ha kine ki sngi ba la dep. Ka Dorbar shnong ka la aipor ruh iaka seng HANM ban wan iakynduh ia ki nongialam shnong, hynrei na ka liang jong ki, kim shym la wan bad kumta ka Shnong ha ka jingiarai lang ki la mih mynta ka sngi ban pynshai paitbah.
Ha ka jingiakren bad ki lad pathai khubor, u bah Louis Mukhim kum u sordar ka Shnong Diengpasoh pyllun u la ong ba kumba la mih ha ki kot khubor ba u Sordar shnong u leh donbor, hynrei u la pynshai ba u Sordar jong ka shnong Diengpasoh um long kham ha khlieh ban ia ka Dorbar shnong, lada u Sordar shnong u iaid palat ia kaei kaba la iarai ha ka Dorbar, kaba mut ba ym donkam ba ki briew kiba nabar kin wan ban tuklar, namar ki trai shnong ruh ki lah tip hi ban leh ia kaba donkam.
Ka Diengpasoh 80 percent, ka dei ka ri raid bad kumba 20 percent ka dei ka khyndew ne ka jaka shimet. Ia ka ri raid haduh mynta ka Dorbar shnong kam pat shah ban iadie iathied, hynrei Ia ki jaka shimet ka shnong ka la shah ban iadie Ia thied bad ki briew kiba na bar jong ka shnong, hynrei wat la katta ruh ki dei ban wan pyntip shwa Ia ka shnong, u la bynrap.
Ka don ruh ka jingshah kynthoh ba u Sordar Shnong u khlem ai NOC ia kito kiba lah ia thied jaka da ki akar akar hangtai hapoh Diengpasoh, hynrei u bah Louis u la ong ba kita ki briew kiba kynnoh kin sngewbha ban wanrah ia kita ki briew kiba la wan pan NOC na ka shnong ha kaba iadei bad kita ki jaka kiba la iadie iathied ha ryngkat bad ki kot ki sla kiba biang.
Ka jingiadie iathied ha ka Shnong Diengpasoh khlem ka jingtip jong ka shnong, yn nym kheiñ re ba ka long kaba long aiñ, kata ka dei ka rai jong ka jong ka Shnong hi baroh kawei.
Ki nongialam jong ka Dorbar Shnong Diengpasoh ki la pynrem jur ia ka seng HANM, kiba la kynnoh bad ka bym shym don nongrim ei ei.
nga ba ka HNAM ka la lulia palat ia ki kam kiwei, ka dei ban sngap jar… bad kine ki seng ba mih manla u snem kum ba mih tit por lyiur… dei ban pynduna ia ka jingmih kine ki seng khlem don jingmut… ki dei kine hi ki seng kiba pynlong porcupine ia ngi ki khasi; ba kiwei ki jait bynrei ki shait thait ban ia dei kam bad ngi, namar ngi long porcupine don shiah.