Shillong: U MLA ka Mawlai Constituency, na ka Congress party u bah Process T Sawkmie, u la pynthikna ba ha u snem 2023 un ieh noh ia ka party Congress bad ba un iakhun noh na kiwei pat ki party.
Haba ia kren bad ki lad pathai khubor na ka liang u bah Sawkmie u la ong ba mynta hi un dang neh bad ka Congress party haduh ban da kut ka samoi trei kam hynrei mar ia kut kane ka samoi trei kam un sa shim ia ka rai ban iakhun noh na kawei ka party. Halor ka jingpynpaw jong u MLA/MDC barim jong ka Mawlai Constituency u bah Embhah Syiemlieh ba u kloi ban kyrshan ia u bah Sawkmie lada u iakhun na ka party UDP, u bah Sawkmie u la ai ka jingkhublei ia u MLA/MDC barim ka Mawlai Constituency ba u la pynpaw ba un kyrshan ia u.
“Nga ai ka jingkhublei ka ba kyrpang ia u MLA/MDC barim jong ka Mawlai ba u la pynpaw ba un kyrshan ia nga bad um treh shuh ban ia khun election”u la ong.
U la bynrap “Na ka liang jong nga ,nga dang don bad ka congress haduh ban da kut kane ka samoi trei kam namar ba ngan rai mynta ka por kam pat biang, nga kwah ban pyndep shwa ia ka samoi trei kam, hynrei da dep ia kane ngan sa shim ia ka rai ba ngn ia khun noh sha kawei ka party”.
Balei um don ba report ia Kane ka statement namar kum kine ki briew dei ban disqualified ia ki kum u mla bad lai snem um shah ia u ban leh election report ha u speaker