Tel Aviv: U Katz, u myntri kam bar ri jong ka Israel, u kam, ba ki shipai jong katei ka ri, ki la ioh ban pyniap ia u Yahya Sinwar, uba dei u heh duh jong ki ehrang Hamas bad uba donkti ruh, ha kaba leit hiar thma bad pyniap ia 1,200ngut ki nong Israel, ha ka 7tarik Risaw 2023.
U Katz, u pynthikna ia ka jingiap jong utei u heh duh ki Hamas, lyngba ka DNA test bad halor katei ka jingiap jong u Sinwar, U Benjamin Netanyahu, myntri rangbahduh ka Isreal, u kam, ba katei ka dei ka jingpynduh jait ia ki kam bymman, wat la u ong ba ka jingialeh pyrshah ia kitei ki lehnoh, ka dang shimpor bha ban jynrat naduh dyngkhong.
“U nongpyniap briew ba shyrkhei tam, U Yahya Sinwar, uba don bynta ha ka jingpyniap kaba shyrkhei ha ka 7tarik Risaw, ula shah pyniap mynta ka sngi ha ki shipai jong ka IDF” ong U Katz ha ka jingpynmih khubor.
Kham mynshwa, ka Israel, ka kam ba ka la ioh ban siat iap ia lai ngut ki snar lehnoh, kiba treikam ha Gaza.
Phi don ban ong eiei?