Pynthikna ka DC Ri Bhoi ba la thungkam biang ia ka ASHA

Nongpoh:Haba kren sha ki lad Pathaikhubor myn hynnin ka sngi ha Nongpoh, ka Kong RM Kurbah, Deputy Commissioner ka Ri Bhoi District, ka la iathuh ba mynta la la thungkam biang ia ka Kong Imshida Thang khiew kum ka Nongtrei ASHA, kata hadien ba ka la shah wengkam noh ha ki Bor shnong ka Nongsier Jirang, tang namar ba katei ka Nongtrei ASHA, ka la leit ban iarap ia kawei ka lanot shah leh beijot haduh ban da armet ha uwei u runar.

Ka Kong R.M Kurbah, ka la iathuh ruh ba mynta la pyntikna ba ka Kong Imshida Thangkhiew, ka la bteng biang ban trei kum ka nongtrei ASHA hapoh katei ka shnong, namar katei ka nongtrei ASHA ka dei ka briew kaba biang ban trei kum ka ASHA bad kaba ju iarap ia ki paidbah kiba donkam, ym tang hapoh katei ka shnong, hynrei ha katei ka thain hi baroh kawei.