Pynsohsat ka DTO Jowai ia ki Paidbah

Jowai, 22 Nailar:
Ka Jaintia Students’ Union (JSU) sengkmie, ha ka jingpyllait khubor mynta ka sngi ka la kynthoh jur halor ka jingdkoh treikam palat ka ophis jong u DTO jowai, ha kaba kane kala pynsohsat ia ki paidbah kiba leit donkam sha kane ka ophis namar ki la lut kai ka por bad ka pisa.
Ka JSU ka pynpaw ba kane ka jingdkoh treikam jongka ophis u DTO jowai, dei namar ka jing bym treikam ki bor Komputer, ha kaba ki nongtrei jong kane ka ophis kim lah shuh ban trei lane ban bteng iaka jingtrei jongki hapoh kane ka ophis, bad baroh ki kam jongki paidbah hapoh kane
ka ophis ki la sahkut mynta la kumba ar taiew ei ei.
Ka JSU hadien ba la ioh iaka jingujor naki paidbah halor kane ka bynta, ki la leit wad jingtip na kane ka ophis ha kaba la ia kynduh ia U Ma P Laloo, u DTO, ha kaba ma u ruh u la kubur ia kane jing sniew jong ki kor computer kiba don hapoh kane ka ophis ki la sniew bad ymlah shuh ban trei ia ki kam ki jam kumba juh trei namar mynta la hap beit ban trei lynba kine ki machine ym kum mynshwa ban trei beit da ki kti.
Ha ka jingia kren bad u DTO, u la pynshai ruh bana ka liang jongu u la dep pyntip sha u Commissioner Secretary jongka Transport ha kaba iadei bad kane ka jingeh bad haduh mynta ym pat lah ban maramot lane ioh ia ki tiar kiba biang.