Pynsngewthuh bakla ka Congress ia ka ktien “poiwir”, ong ka BJP

Shillong,
10 Rymphang:
Ka BJYM ka Meghalaya ka la kynthah ia ka ba ka ka Youth Congress Meghalaya ka thmu ban ialam bakla ia ki paidbah ka jylla ha kaba iadei bad ka Mat Elekshon ha Nongbah Delhi.
Ha ka jingpynlait khubor mynta ka sngi, ka BJYM ka la ong ba ka BJP ka lah pynpaw shai ia ka jingbakla ia kane ka kyntien “poiwir” ha ka jing shisha ka mut ban ong ba ka seng, ka don ka jingithuh bad ban ai ki jingiada ba kyrpang ia ki briew ka thain shatei dong mihngi kiba shong basah ha Nongbah Delhi.
Ki Nongialam party BJP ki lah da panmap ruh lyngba ki lad pathai khubor ban nym sngew eiei ia kane kumjuh wat u myntri khynnah ka Sorkar pdeng u Giriraj Singh u lah da pynpaw shai ha khmat ki nong thoh khubor haka 6 tarik Rymphang 2015 ha ka por ba don ka jing ia kynduh bad ki lad pathai khubor ha Pinewood Hotel Shillong.
Hynrei kaba lyngngoh ka long ba ka party Congress ha Meghalaya imat kim sngewthuh ia kane, imat ki thmu pynban ban ialam bakla ia u paidbah ka jylla.
Kumta ka seng, ka kyrpad ia ki paidbah ban ym shah ialam bakla ne sngewthuh bakla ha kaba iadei bad kane ka bynta.
Naka liang jongngi ngi sngewkhia bad pynrem jur ruh iaki riew runar ki ba shim kabu ban thombor ia ki iing mane ki paid riewngeit khristan ha Nongbah Delhi,bad ngi kyrpad jur ruh iaki bor pulit pahara ha Nongbah Delhi ban peitngor bha ban ym iohlad ki riew runar bad ki riew shim kabu,kumjuh ruh ban leh shitom ban ioh kem noh kloi ia kiba donkti bad kane ka kam riew khlaw, ong u samla Egenstar Kurkalang President ka BJYM (BJP youth wing) Meghalaya.