Shillong 21, Nailar:
Ka Bharatiya Janata Yuva Morcha (BJP Youth Wing) ka jylla Meghalaya ka la ioh ban pynskhem sa ia ki nongkitkam bapura jong ka BJYM West Khasi Hills district ha ka 10 tarik Nailar ha ka ophis jong ka Party kaba don ha Nongstoin.
U Bah Johney Syiemlieh uba la shah jied kum u President na katei ka district na ka bynta ki samla ka BJP, u la shah pynskhem ia katei ka lyngkor ba la bynshet ha u, ha kaba u Samla Egenstar Kurkalang, President ka BJYM Meghalaya u la long u Kongsan ban pynskhem ia ki nongkitkam naduh u President bad kiwei ki kam.
La pynskhem ruh nalor u President, sa ia u Samla S Lyngdoh kum u General Secretary bad 26 ngut kiwei pat ki dkhot bad nongkitkam jong katei ka District BJP Youth Wing.
La sakhi lang ha ka jingpynskhem da ka jingdon lang u Samla Nangkitbok Hoojon, General Secretary ka BJYM Meghalaya, u District President ka West Khasi Hills, u Bah F Marwein, kiwei pat ki long u Bah D.D Sohphoh, Bah H Myrthong, ki Mandal President na katei ka district bad kiwei kiwei de ki nongkitkam bad nongialam ba pawkhmat jong ka party na katei ka district.
Kumba ka long mynta, ka BJYM ka la nang pyniar ia la u tnum u tyndai jong ka, ha kaba ka la ioh ia ki nongkitkam jong ka Party ban trei shitrhem na ka bynta ki samla bad ban wanrah ia ki kam pynroi ha kiba bun ki liang bad kane ka jingtrei shitrhem jong ki samla ka BJP ka la pynshitrhem ia ki samla na katei ka district ha kaba nalor kitei ki nongkitkam ka la nang khring shuh shuh ia kiba bun ki samla kiba la pyniasoh ialade bad ka party ban lah ban kyntiew ia ki kam pynroi sha ki paidbah ha ka district bad ha ka jylla hi baroh kawei.
Phi don ban ong eiei?