Shillong: Ka All Meghalaya Labour Association mynta ka sngi ka la pynskhem ia ki nongkitkam ka Seng hynnin ha Dinam Hall Jaiaw.
Ha kane ka sngi u ba la long kum u kongsan ki long u Deputy Director ka tnad labour u Bah B.Blah bad u Bah R. Hynniewta kum u symbud kongsan.
la pyniaid ia kane ka jingialang da u Bah Gilbert Kharraswai. La ioh ka jingkren nyngkong na u President ka Association u Bah Danny Dunai
u ba la kren shaphang kumno kum ki trai ri kin don ka jingkitkhlieh bad kumno ban burom ia ka por bad kumjuh ia ki kam ba ki trei. U la ong ruh ban pyrkhing ia ki jingpoi ki nongwei ka dei lyngba ki kam ba ki trei u la ong ba ka jingleh bha ka sdang na ing. Kumta ruh lada ngi trei bha la ka kam naduh na ing kanwanrah ka jingroi iaka ing ka sem, ka shnong ka thaw bad ia ka jylla hi baroh kawei.
Lada ngi long kiba kitkhlieh bad trei tista ia ka kam yn nym don uwei ruh u nongwei uban wan rung ne buhai shnong ha kane ka jylla jong ngi. Kumjuh ruh u la ban kumno ba ngin burom iaka por bad kitkhia ia kam.
Na ka liang ka seng ka la shim ia kane ka lad ban pynsngew la ki nongtrei shaphang ki skim bad ki jingiohnong na ka Sorkar Jylla lyngba ka tnad Labour.
La ioh ruh ka jingkren na u Symbud kongsan uba la iathuh shaphang ka jingtlot bor jong ki Muster Roll bad ki Union bad kane ka la ktah bha iaka kam ka jam jong ki tnad ba bun. Kumta lyngba ka jingdon kane ka Association kan long ka jingiohnong ia ki Nongbylla sngi. Kumta u la kyntu ia ka Association ba kan shim khia ban wanrah ka jingkylla ha ka trei ka ktah.
U kongsan ha kane ka sngi ka sngi u la iathuh ia ki ba iadon ha katei ka sngi. shaphang ki jingiohnong jong ki Nongbylla Sngi lyngba ki skim ba bun jait kum ka Scholarship ia ki khynnah pule kumjuh ka Pension ia kiba la noh ka met ka phad. Kumta u khot u wer ia baroh ki Nongbylla Sngi ban wan sha khmat ban shim ia kane ka lad ba loh na ka sorkar.
U Chairman u la pynwai ia ka jingialang da kaba pynlong ia jingiasngap jar jar ba shi minit na ka bynta ki arngut ki mynsiem ba la khlad noh na ka jingpluh ding ka ingmane ka Balang U Blei kaba la jia ha ka step jong ka sngi u Blei. Ka Seng ka phah khubor sngewlem ia ka ing ka sem bad ka Balang hi baroh.
Ha kane ka sngi la pynskhem ia ki Nongkitkam da u Symbud Kongsan u Bah R. Hynniewta.
Phi don ban ong eiei?