Pynskhem ka RBYF ia ki samla ba iasnoh sha ka Seng

Nongpoh: Ki nongialam ka RBYF Umsning Circle, ki la ioh ban pynskhem ia ki nongkitkam ka Umniangbyrnai Parila unit bad ia kitei ki samla kiba la pyniasoh sha ka RBYF, la leit ban pynskhem da u Bah Devan Warjri, President ka RBYF Umsning,

Haba pynskhem ia ki nongkitkam katei ka Unit, u Devan Warjri, u la kyntu ia kitei ki samla kiba la pyniasoh sha ka seng, ba ki dei ban trei bha bad ban ai ka jingshakri kaba janai ia ki paidbah, ha kajuh ruh ka por u la kyntu ia ki ba kim dei ban rung seng, tang na ka bynta ban leh ia ki kam kiba myntoi shimet da kaba pyndonkam ia ka kyrteng ka seng.

Ki nongkitkam katei ka Unit, ki kynthup ia u Pynshngain Marbanniang kum u President, u Lucky Kharbani kum u General Secretary, u Nasha Nongphud kum u Vice-President lem bad kiwei. Kiba la don ryngkat ha katei ka sngi ki kynthup ia u samla Balakmenlang Nongbri, General Secreatry, u Breggie Sun asst. General Secretary, u Henry Joe Marngar, Education Secretary, u Amjesstar Papang, u Ferdinand Thangkhiew, ki Seng longkmie lem bad kiwei.