Pynskhem ka RBYF, ia ki nongkitkam ka Byrnihat Circle

Nongpoh:Hadien ba la kut ka samoi treikam jong ki nongialam barim ka Ri Bhoi Youth Federation (RBYF) Byrnihat Circle, ha ka sngi saitjain, ka la ioh ban jied bad ban pynthymmai noh ia ki nongkitkam jong katei ka Circle, na bynta ka samoi treikam jong u snem 2023 haduh 2026.

Ha katei ka sngi, ba la pynthymmai bad pynskhem ia ki nong kitkam ka Byrnihat Circle la pynlong Dor bar Hall Harlibagan, kaba u Bah Bipul Thangkhiew, President Rangbah ka RBYF, u la shim ia ka bynta ban pynskhem ia kitei ki nongkitkam ba thymmai, ha ryngkat ka jingdon ki nongialam ka RBYF, kiba kynthup ia u Bah Rj Thangkhiew, Political Secretary, u Bah Bawantipor Marwein, Sports Secretary, u Bah Wanpher Wahlang, Publicity lem bad shibun kiwei pat.

Na ki nongai jingkren ha katei ka sngi, ki la kyntu ia kitei ki nongïalam ba thymmai ka RBYF Byrnihat Circle, ba ki dei ban ai ka jingïatreilang bad ki paidbah, na ka bynta ban peit ïa ka bha ka miat bad ruh ban wanrah ïa ka shongsuk shongsaiñ hapoh ka thaiñ.

Ki nongïalam ba thymmai ka RBYF Nongpoh Circle, ki kynthup u Bah Ricky Lapang, kum u President, u Samla Matthew Surong kum u General Secretary, u Bah Franky Nongbri kum u Vice-President lem bad kiwei.