Pynskhem ka HSPDP, ia ka rai beh seng ia ka kong Fenela

Shillong,20 Iaiong:
Ka HSPDP, Maw thadraishan Konstitwensi ha ka 19 tarik mynta u bnai ka la shong ia ka jing ialang paidbah jong ka ban pyrkhat halor ka kam ba ia dei bad ka kong Fenela L Nonglait. Ia katei ka jing ialang la pyniaid da u President ka seng u bah Tuberlin Lyngdoh.
Ha katei ka jingia lang ka HSPDP ka la iatai sani bha halor ka jingleit ieng rynsan jong ka kong Fenela ha ka 7 tarik u ia iong ar sngi shuwa ban thep vote MP ha ka jing ialang u bah Paul Lyngdoh kyrtong UDP kaba la long ha Motphran, bad ha katei ka jingialang ka HSPDP bad ki paidbah nongkyrshan ka Mawthadraishan ki la pynpaw ba kim shaniah shuh ia ka kong Fenela, ong ka kyrwoh na u Secretary ka Mawthadraishan Konstitwensi bah Grossper Ryntathiang. Kumta ka seng ka la shim da ka rai ban pynskhem biang ia ka rai ba nyngkong ,“ban beh seng beit ia ka kong Fenela”, “Nangne shakhmat ka HSPDP kam don bynta shuh bad ka kong Fenela” ong shuh ka kyrwoh na u secretary ka HSPDP.
Ha ka juh ka por, ha katei ka jingialang ka HSPDP Mawthadraishan ka la jied nongkitkam thymmai ha kaba ia ka kam President la bat biang da u bah Tuberlin Lyngdoh,Secretary bah Grossper Ryntathiang bad kiwei pat ki nongkitkam.