Ka jingjop jong U Joe Biden, kum U President ba thymmai jong ka America, ka la wan rah ia ka jingkut noh ka por trei kam jong U President Donald Trump, uba dang bat dang shisien ia ka samoi trei kam jongu.
U Donald Trump, ula ong “Ka wan rah ia ka jingkut noh ia ka pali kaba nyngkong eh bad kaba dei ka sien kaba khraw tam ha ka histori jong ka jing synshar President. Wat la ngam mynjur ia ka result jong ka elekshon bad bad ki jingshisha kiba kdew hanga, hynrei kan don ka jing ia aiti kam, kaba iaid kat kum ka rukom, ha ka 20tarik Kyllalyngkot” ong U Trump, ha ka jingthoh ba la pynmih mynta ka sngi.
U Trump, ula ong biang “Ngin iai bteng, ban dawa, ba dei tang ki vote kiba thikna, ba dei ban niew, hynrei kane ka dei ka jingsdang jong ka jing ialeh ban pyn phyrnai biang ia ka America” ong U Trump.
Ka Congress, kaba dei ka iing dorbar ba heh tam jong ka United States, hynnin, ka la pynthikna halor ka jingjop ba don burom jong U Biden, kum U President ba thymmai jong ka Ri America. Ka Senate, ka kyntait ruh ban weng noh ia ki vote jong ka Georgia bad ka Pennsylvania, na ka liang U Joe Biden. Ki dkhot jong ka seng Republican ki kyntait ruh ia ki vote kiba wan na Arizona, Nevada bad Michigan, hynrei ka iing dorbar, kam shym la pdiang satia.
Ka jing ia shong dorbar lang jong ka Congress, ka la sahteng khyndiat kynta, hynnin ka sngi, haba ki riew paidbah, ki la leit ban rung sha ka iing dorbar jong ka Congress bad ka dorbar, ka sdang biang, ha ka por 8baje hynnin ka miet, ha kaba U Mike Pence Vice President, ula pynbna ban sdang biang ia ka jing shong dorbar jong ka iing.
Phi don ban ong eiei?