Nongpoh:Myn hynnin ka sngi Saitjain, ki dkhot ka Hynniewtrep National Youth Front (HNYF) ha Ri Bhoi, ki la leit ban pynlut por shisngi ha ka ban iarap pynshna i aka Iing jong kawei ka Longkmie ha Umling, Ri Bhoi District, namar ba ka iing jong katei ka Longkmie, ka la shah bamduh ha ka ding dang ha kine ki khyndiat sngi ba la dep.
Ha katei ka sngi, kaba kitei ki HNYF ki la leit ban iarap pynshna iing ia katei ka Longkmie, ki la iarap ruh ha ka ban nohsyniang da ki iing tiar sem, kaba long kum ka dak ban iarap ia katei ka Longkmie, kaba la iakynduh ia katei ka Apot ba jynjar.
U Bah Marcus Marten, President ka HNYF ha Ri Bhoi, u la ong ba kaba la pynlong i aka seng ba kan leit pynshna bad ruh ban noh synniang khyndiat ki tiar Iing sha katei ka Longkmie, ka dei namar ba ki sngewsynei ia katei ka Longkmie, namar ka la duhnoh ia baroh ki jingdon jingeh hadien ba ka iing jong ka, ka la shah bamduh noh ha ka Ding.
Phi don ban ong eiei?