Pynshlur U Lat ia ki samla ban pyniasoh bad ka kam shipai

Shillong: U Lat ka ka Meghalaya u Tathagata Roy u la pynshlur ia ki samla kynthei bad shynrang ka Thain Shatei Lam Mihngi ba ki dei ban shlur ban pyniasoh ia lade ha ka kam shipai, ym tang ha ka kyrdan ophisar heh hynrei ha kiwei kiwei ki kyrdan.

        U Tathagata Roy u la ong”Kan long ka sien ka ba nyngkong eh ia ka Shillong ba ki shipai kin pynlong ia ka jing pynrung kam ha Shillong ha u bnai Nailur bad kan long kabu ksiar ia ki riewlum.”

        U Tathagata u la ong ruh ba kane ka sien ngin jied khambun ia ki kynthei ha ka kam shipai.

      Haba kylli ba ki riewlum ki bun ba duna ia ka jingjrong kat kum ka jingdon kam ban ioh ia ka kam shipai, u la ong ba ki briew na ki thain bapher bapher ki don la ka jong ka jingjrong bad ka bor bad ki shipai ki pdiang ia kum kita ki briew kat kum ki kyrdan.