Pynshlur ka kong Rebecca, ban mih ki samla Nongkrem ha ka National Games 2022

Shillong:Ka Kong Rebecca Kharmujai, ka khun U Bah  Roblin Nongkynrih, ba la khlad noh, ka iaid ha kine ki sngi sha sawdong jong ka Nongkrem Constituency, ha kaba ka pynshlur shi katdei ia ki samla ha ki kam ialehkai. Ka kong Rebecca, ka la ia kynduh ruh ia ki nongialam ka Rngi Nangkiew Sports Club, ha kaba ka la pynshlur ia ki kam ialehkai bad ka kyrmen ruh ba ki samla jong katei ka thain, kin lah ban shim bynta bha, ha kaba kin don bun ki ban ioh takma ha ka jingialehkai National Games ha u snem 2022. Ka kong Kharmujai, ka ong shuh shuh ba katei ka thain, ka don shibun ki snar ialehkai, ha kaba kan sa pynmih shen ia ki Mary Kom bad ki Baichung Bhutia ruh, lada la ailad ia ki samla ba kin mih shakhmat.