Shillong: Ka Seng Kur Kharshiing ka la pynrem jur ia ki runar kiba la shoh ia ka kong Agnes Kharshiing bad ka Anita Sangma kaba la jia 8 tarik mynta u bnai ha Tuber Soh Shrieh, East Jaintia Hills. Ka kyrwoh na u General Secretary ka Seng Kur Kharshiing u bah Everlasting Kharshiing ka la ong ba katei ka long pyrshah ia ka hok longbriew man briew bad ka ia ka imlang sahlang. Ka la dawa na ka sorkar ba ka dei ban pynshitom ia kiba donkti katkum ka aiñ bad ka la kitbok kitrwiang ruh ia ka kong Agnes bad Anita ba kin ioh ia ka met kaba koit ba khiah.