Shillong: Ka Meghalaya High Court ha ka 17 tarik iaiong 2020, ka la kyntu ia ki bor ka sorkar ban iaid katkum ki ain na ka bynta ban pynshitom ia kiba pyrshah ia ka jing on thang ia u Dr. Sailo.
Kumban shu pyn kynmaw ka dorbar shnong Mawbah lem bad ki shnong ka Jhalupra kila mih paidbah ban pyrshah ia ka jing pyndep burom khatduh ia u Dr. Sailo.
Ka hukum ba la pynmih lang da u judge justice H. S Thangkhiew bad u Justice W Diengdoh kala mih hadien ba ka Meghalaya High Court Bar Association kala buh daka PIL hakhmat ka ing kashari.
Ka Bar Association ka la shim kane ka rai hadien bala iohi ba ki briew na Jhalupra ki la mih ban pyrshah ia ka jing leit thang ia ka met u Dr. Sailo daka ba pynkhein ia ki kyndon pakhang shnong ha baroh ka ri India bad kumjuh ruh ia ka Korphiw.
“Mano mano lane kino kino ki dorbar ne ki seng kiba pyrshah ia ki bor sorkar ban teh lakam ia ka jing pang’corona virus’ lane ia ka jing leit tep ia kiba la khlad kin shah pynshitom katkum ki bor jong ka ain” la pynmih ka hukum.
Ka hukum ka kyntu ruh ia ka sorkar ban bud ia ki kyndon bala btah ka sorkar India bad ka WHO na ka bynta ban pyndep burom khatduh ia ki bala khlad.
Sngewdei shisha ia ka
rai kaba la shim da ka Meghalaya Highcourt
Ai eh beit sorkar