Shillong 30 Nailar: U bah Prestone Tynsong symbud myntri rangbah ka jylla ha ka 30 tarik nailar 2024, u la ong, ba haba pynshitom ia kino kino ki ba leh pyrshah ia ka ain kin shah dain kuna kumba 5,000 tyngka hynrei mynta na ka liang ka sorkar jylla ka la pynkiew ia ka bai dain kuna ia ki ba leh pyrshah ia ka ain haduh kumba 1lak tyngka.
Ha ka jingiakren bad ki lad pathai khubor mynta ka sngi ka ba dei ka sngi khatduh jong ka dorbar lyiur ka sorkar jylla, u bah Prestone u la ong, ba ka sorkar jylla ka la pynkhlain ruh ia ki inspector ha man la ki blok.
U la ong ruh, ba la aibor ia ki ban leit jurip ia ki jaka ki ba shna ia ki jingshna bapher bapher bad ruh ban pynshitom ia kino kino ki briew ki ba wan trei bym don ia ki kot ki sla ki ba biang.
Phi don ban ong eiei?