Pynshitom ia ka BJP, dawa ka HITO

Shillong:Ka seng HITO, myn hynnin ka sngi, ka la phah ia ka jing ujor sha ka kong Isawanda Laloo, Deputy Commissioner, East Khasi Hills,Shillong, pyrshah ia ka seng BJP, halor ka jing pynkhein ain jongka, da kaba pynlong jingialang paidbah.

Ka seng, ka ai khublei ruh, halor ka jubab jong ka Deputy Commissioner, East Khasi hills, halor ka jingpan jingtip jongki, ia ka jingai jingbit ia katei ka jingialang, ha kaba ka DC, ka iathuh ba ka jingialang ha Assam Club, Laban, ha ka 31tarik Naitung 2021, ka dei tang na ka bynta 20ngut ki briew. Katei ka dei ka jingialang, ba la leit shim bynta da U Arun Singh, U MP Rajya Sabbha jong ka seng BJP.

Ka HITO, ka pyni ia ka sabut jong ka video, ba la pyni, da ka Don Bosco Media Network, kaba kdew shai, ba ki briew, ki don da ki spah ngut, kumba la ong da kiba iaid na katei ka jaka.
Ka HITO, kumta ka phah ia ka jing ujor sha katei ka ophis, namar ba ka la pynkhein, ia ki kyndon jong ka ain bad la dawa ba dei ban shim, da ki kyndon jong ka ain.