Pynshai U VC ka Citizen Forum

Shillong,13 Nailur:
Ka Senior Citizen Forum ka Thain Ri War Mih ngi ka la kyntait war ba ka katkum ki jingmih khubor ba ka Forum ka kyrshan ia u OC ka Pynursla ka long ka bym shisha phew se ka Forum kam shym la kyrshan iano iano ruh bad kam shym la pynrem iano iano ruh, ong u Vice Chairman ka Forum u Bah Peter Rynjah haba ia kren bad u Rupang.
Shuh shuh u vice Chairman katei ka Forum u la ong ba ka Forum ruh ha ka jingialang kaba la long ha ka thanad Pynursla ha kaba ia dei bad ka jingshah pynkynriah kam u OC Pynursla kam shym la kyrshan eiei ia utei u OC uba la shah kynnoh laiphew jait ha ki sengbhalang bad ki nongialam shnong hynrei u la ong pat ba dei tang u sordar barim ka shnong Umniuh Tmar u Bah M.Khongshah uba la kyrshan ia utei u OC. “Ngim kyrshan hynrei tang u sordar barim ka Umniuh uba la kyrshan” ong u Bah Peter Rynjah Vice Chairman ka Senior Citizen.
Katkum ki jingioh lum jingtip la iathuh ba ka jingkyrshan jong ki katto katne ngut ia u OC ka Pynursla PS uba la shah pynkynriah kam ka la pulom noh ha kabz la iathuh ba katei ka jingshah pynkynriah kam jong u ka iaid beit bad shen yn sa shimti noh da uwei pat u oc uba ki la iathuh ba ia mynta ka tnad pulit ka dang peit bniah iano ban phah.