Pynshai U Rangbah Shnong Kulang

Shillong, 1 Jylliew:
U Rangbah shnong jong ka shnong Kulang kaba hap hapoh jong ka South West Khasi Hills District u Bah C Nong bri, u la ong ba u Ajit Sinha, u ba la u jor sha ki pulit ba ka kurim jong u ka la shah rah bor na katei ka shong ka dei ka kam thok kam shukor, namar ba kum u tei u briew ym don hapoh ka shnong.
Na ka liang jong u Bah Nongbri u la pyntip ia kane sha u Superintendent jong ki pulit ka South West Khasi Hills ba u tei u Ajit Sinha um don hapoh ka shnong Kulang bad kane ka dei tang ka jingpynbud nam ia ka shnong.
Na ka liang jong u Bah Nongbri u la kyntu ia u Superintendent jong ki pulit jong ka South West Khasi Hills District ba u dei ban khot hajir ia u tei u nongujor ban kylli bniah na u ia ka jaka shong ka jong u, namar hapoh Kulang ym don briew da katei ka kyrteng.
La ong ba kum kine ki jingpynbud nam sniew ia ka shnong ka la jia ha ki bnai kiba la dep ha duh ba kala mih ka jingiakynad hapdeng ki jaid bynriew bapher bapher kiba don ha katei ka thain haduh ba kam don shuh ka shong suk shongsain.
U Bah Nongbri u la pynshai ba une u briew u ba la leit ban ai ia ka jingujor sha ki pulit ba ka long jong u ka Sumi Sinha kala shah rah bor ha ki nong bylla um dei u nongshong shnong ka kulang.