Pynshai U Dy CEM, ba bakla kyrteng halor U Sirdar Nongjri

Shillong:U Deputy Chief Executive Member ka KHADC u bah Pynshngain N Syiem mynhynnin ka sngi u la pynshai ba ka don ka jingbakla khyndiat halor ka jingpynmih kyr teng ia uwei u kyrtong uban iakhun ia ka elek shon Sirdar jong ka Nongjri Elaka u bah Wanrispah Laso uba la mih kum u sirdar barim hynrei haka jingshisha, u dei u kyrtong ba dang thymmai.

Ha ka jingshisha ka la don ka jingujor pyrshah ia u kum u kyrtong hynrei hadien la weng noh namar ba uba ujor um shym la wan mih.
Ki ar ngut kiba dang don ha ka jingshah ujor, ki long ia u bah Philinto Rynjah uba dei u sirdar barim bad ia u bah Biwelson Mawkon.

U bah Pynshngain u la ong ba ka Executive Committee kan bishar ia ki jingujor ia kine ki ar ngut ki kyrtong bad hadien ba la pynbeit, yn sa pynlong ia ka elekshon.
Ki don kumba 11 ngut kiba thep kyrteng ban iakhun ia ka kam Sirdar jong ka Nongjri Elaka.