Pynshai u Dr. A War halor ka jing khlad noh 6 ngut naka jing bam tit

Shillong: U Director ka DHS (MI) u Dr. A War mynta ka sngi u la ong ba ki 18 ngut naka juh ka long ing kila bam ia u tit khlaw ba khlain bha ka bih u ba ju tip kum u ‘Death Cap’ ha ktien phareng lane u ‘Amanita Phalloides’ haka ktien sain.

“Ki 18 ngut kiba leit kheit tit ki la kum bakla ia u tit ‘Amanita Phalloides’ namar ba udei u jait tit thymmai bad u ba ju iasyriem bha bad kiwei ki jait tit ba ju ia bam ki briew” la bynrap u Dr. A. War.

Naka liang u Dr. A. War u la ong ka jing shitom ba ioh naka bih jong une u tit kadei ka jing ktha khlieh, prie bad bunsien kyllon ha madan khlem jing tip brew shuh. U Dr. A War u la ong ruh ba ka bih na une u jait tit ‘Amanita Phalloides’ ka ktah bha bad nyngkong eh ia u dohnud (liver) bad kane kalah ban poi syndon sha ka jing iap lada ioh kum bam bun.

Kum ban shu pynkynmaw kum ba 18 ngut ki briew ki ba na ki 3 tylli ki longing ki la kem pang noh hadien ba ki la bam ia u tit bih u ba ki la kheit na khlaw ha ka 19 tarik u iaiong 2020 ha ka shong Lamin ka ba hap ha West Jaintia Hills district bad 6 ngut ki mynsiem ki ba kordor ki la duh ei ha kane ka jingjia.