Pynshai ka tnat pulit halor ka eksamin rung kam pulit

Shillong: Myn hynnin ka sngi ka tnat pulit ka la pynshai halor ka jing mih ha ka ‘Social Media’ lyngba ka ‘website’ ‘Exams Daily’ ba ka eksamin na ka bynta kito ba thep kam pulit jong ki ‘Constable’, ‘Sub-Inspector’ bad kiwei de kan sa long noh dang shen.

Na ka liang ka tnat Pulit, ka la pynshai ba haduh mynta kam pat don kano kano ka rai ban pynlong ia ki eksamin ia kito ba thep kam pulit.Halor kane ka tnat Pulit ka pynshai ba ka khubor ba saphriang ha ka ‘Website’ ‘Exam Daily’ ka dei ka khubor thok bad la kyntu ia ki paidbah, khamtam iaki ba thep kam pulit ba kim dei ban ngeit kum ia kine ki khubor thok.Na ka liang ka tnat pulit ka pynshai ba ki paidbah ki dei ban peit hapoh ka website megpolice.gov.in na ka bynta ban tip ia ki tarik eksamin.