Pynshai ka shnong Umbir halor ka Pool Festival

Shillong: Ka shnong Umbir, ri-Bhoi ka la pynshai ba kam don kano kano ka jingtip halor ka jingmih khubor ban don kata ka Pool Festival bad ha kajuh ka por, ka dorbar shnong ka la pynrem jur ia ki nongpyniaid bad khang pyrshah ia kiba thmu ban pyllong ia kane ka tamasa khlem ka jingtip bad ka jingioh jingbit na ka dorbar shnong.

Ka dorbar shnong ka pyrshah jur ia kane ka tamasa ka bym iahap ha ka imlang sahlang bad kam shah ban pyllong ia kino kino ki tamasa hapoh u pud u sam ka shnong khlem ka jingbit na ka shnong, la ong ka kyrwoh na u bah S Syiemlieh u rangbah shnong ka Umbir.

Lah ban kdew ba ki sengbhalang bapher bapher naduh ka HYC, FKJGP, KSU kila pyrshah jur ia ka jingthmu ka Ultra Socialites ban pyllong ia ka tamasa phong patlun lyngkot ha ka 11 tarik mynta u bnai ha Resoirt ha Umbir, Ri-Bhoi, da kaba kila kam ba kane kan pynpoh dor ia ka jaitbynriew ban shu bud tynneng ia ki rukom ka ri sepsngi.