Pynshai ka shnong Mowkaiaw, halor ka jingshah kynnoh

Naka liang ka shnong ka kwah ban pynshai ba katei ka jingjia ka jia haka por 8 baje mynstep hakaba ki seng longkmie naka shnong Mowtyrshiah ki la pynsangeh iaki khynnah skul bad iaki nonghikai kiba naka shnong Mowtyrshiah ban leit skul  shaka Shnong Mowkaiaw dakaba pyntieng ioh jia eiei iaki lada ki leit skul. Haka jingshisha  naka liang ka shnong Mowkaiaw ha ryngkat ki nongshong shnong ki khlem khang ne maham eiei kumba la kynnoh bad katei ka jingkynnoh ka long kumba pynthohbria iaka shnong baroh kawei.

Hadien ba mih katei ka jingkynnoh naka liang ka Shnong ka la let wad bniah bad ka la pyrshang ban pynsngewthuh iaki paidbah ba kim dei ban sngewthuh bakla  halor katei ka jingkynnoh bad hakajuh ka por kim dei ban ngeit iaka khubor ka khlieng ka tyngab. Kumta naka liang ki bor  shnong Mowkaiaw kila shimkhia ban ia pynbeit iakatei ka kynrum kynram dakaba pyllong iaka jingiakynduh hapdeng ki lai Rangbah Shnong ( Mowkaiaw, Mowkhap bad Mowtyrshiah) bad u Principal ka Winter Adventist Secondary School. Ka jingiakynduh kalong kaba seisoh habaka la pynbeit ban phah wan bian iaki khynnah skul bad la kyntu ba kimdei ban tieng iaka khubor lamler.

Bad hakaba iadei bad ka khubor kaba mih haka 5 tarik mynta u bnai kaba ong ” Rai ki nongialam shnong ka shnong Mowkaiaw ban pynneh iaka shongsuk shongsain” hakaba hakatei ka khubor la ong ba haka jingialang ladon ki nongialam naka shnong mowkaiaw, mowtyrshiah bad u MDC. Halor katei ka khubor naka liang ka shnong ka kwah ban pynshai ba u MDC u khlem ia don lang  hakatei ka jingialang kumba la mih haka kotkhubor.

Khatduh ka shnong ka kyntu iaki nongshong shnong ba kin long kiba jai jai, bad ruh ka kyntu ruh iaki para marjan shnong ba kimdei ban ngeit iaki khubor pyntieng kohtympan jong no re kiba long tang ki riew shimkabu ban pynthoh bria iaka shnong.

Khublei shibun

WAHEH SHNONG

MOWKAIAW

MR LOVING LALOO