Jowai: Kat kum ka jing pynmih khubor ba don ki trai trok, kiba kynnoh ba ka seng kam juh khot general meeting shuh, la saw snem kynthih, naduh ba long President u Ma Nidamon Chullet; hynrei ka dei tang ka jing pynthohbria ia ka seng bad ia u President Ma Nidamon Chullet, ong U General Secretery katei ka seng.
Ka seng ka khot General meeting man la ka por bad ym duna ruh ia ka shisien shi snem kat kum ka riti treikam, ong U Bah Enrico D Pasi. Kiba kynnoh ia u President jong ka Seng Ma Nidamon Chullet ki dei ki briew ki bym juh leit jingialang bad ki bym dei hi ruh ki dkhot jong ka seng, namar ba kim tip ia kaei ka jingshisha bad lada ki kwah ia ka jingshisha ruh yn ai lad ia ki ban peit ia ka register ha ka General meeting jong ka seng ka ban long ha Phramer ha ka 28 iaiong 2018 ha ka por 2:00 baje nohsngi, ong shuh ka kyrwoh na U General Secretery ka seng.
La kyrpad ia baroh ki dkhot, ban wan khlem pep sha kane ka General meeting ban iakren ia ki kam jong ka seng bad ban ioh ia ka jingpynshai, halor ka jingshah kynthoh, ong ka kyrwoh ba la pyllait da u ma Enrico D Pasi General Secretary Jaintia Hills Truck Owners Association.