Pynshai ka Nongmensong

Shillong, 6 Nohprah:
Halor ka jingmih khu bor ha ka 6 tarik Nohprah 2013 ba kem ki pulit ia ki nongrah bor bad ioh pyllait ia kiba shah rah bor bad ka trok kit marjot na Umkdait Nongmen song.
Ka Dorbar Shnong Nongmensong ka la pynshai ba kane ka jaka kaba la ioh pyllait ia ki 3 ngut kiba shah rahbor bad ka trok kam dei bad hap satia hapoh u pud u sam jong ka Dong Umkdait , Nongmensong hynrei kane ka jaka ka hap ha ka Dong Wah heh jong ka shnong Mawpat. Ha kajuh ka por ba uwei na ki nongrah bor uba tip kum u Dulit Diengdoh um dei satia uba shong ba sah hapoh Umdkait, Nongmensong.
Ka Dorbar Shnong Nongmensong ka kyntu ia ki pulit ba kin pynbeit bad bishar bniah bha ia ki jaka ba don kino kino ki jingjia khnang ban ym wanrah ia ka jingbakla bad pynthohbria ia ka shnong ka thaw.