Shillong: Ka kong Ilarishisha Marbaniang ka kmie jong u Rueben Marbaniang mynta ka sngi ka la wan ban pynshai ha lor ka jingshah kynnoh ia ka jing pynsaphriang ia ka Voice Massage ka ba kynthoh ia ka seng Khasi Student Union ha social media da ka ba ong ba u Rueben u khlem pynsaphriang satia ia kane ka voice Massage.
Haba ia kren bad ki lad pathai khubor na ka liang ka kong Ilarishisha Marbaniang, ka la pynshai na ka liang ki jong ka, ka pdiang ia ka jingbakla u khun jong ka ha ka ba u la kren bakla ha ka ktien ka thylliej bad kum ka kmie ka dap da ka jingsngewsih bad jing khia ka mynsiem ba ka jia kumne.
Ka la ong ruh ba ka kwah ban pynshai ba ia ka voice massage ka ba kynthoh ne pynmong ia ka seng KSU ha social media kam dei ka ba la pynsaphriang da u Rueben.
Ka la iathuh ruh ba ka long tang ka jingiakren shiparalok ha ka por ba u dang khreh kot,bad ka long tang ka jingiakren shi paralok khlem da poi pyrkhat ba ka voice massage kan saphriang.
Ka la iathuh ruh ba katba ki dang ia chatting la don ka jingia kren ka ba la pynmih ia ka jing ia kawang ktieh hapdeng jong ki, ha kaba u Rueben u khlem lah ban teh lakam ia ki kyntien bad u la kum kren bakla lyngba ka voice massage.
Ka kong Ilarishisha ka la ai khublei ruh ia u president ka KSU Central Body u bah Lamboklang Marngar ba ha ka jingiakynduh jong kiba ha iing u Rueben bad ki nongialam ka KSU ha ka 10 tarik u lber 2020 na ka liang u president u la ai ka jingkyrmen bad ka jing kular ba kan ym mih shuh kano kano ka jingeh ha kane ka phang namar kadei tang ka jingiabakla khynnah.
Phi don ban ong eiei?