Shillong:U Bah Thombor Marbaniang, Rangbah Shnong bad U bah Bahunlang Iawram, Secretary jong ka Dorbar Shnong Nongshken, ula phah ia ka jing pynshai, halor ka khubor, kaba la mih ha U Rupang, ha ka 9/06/2021 ha kaba 17 ngut kiba ioh covid-19 ha Nongshken. Khangdam naduh hynnin ka sngi”.
Ka jing pynshai ka long kumne harum –
Te halor katei ka khubor nga u Rangbah Shnong Nongshken nga pynpaw ia ka jingsngewsih kaba khraw halor kitei ki khubor ki bym shisha ba la pynmih da ka kotkhubor Rupang, lyngba ka tnad jong ka koit ka khiah jong ka sorkar Meghalaya, ba ha ka jingshisha haduh katei ka tarik ba la pynmih ia katei ka khubor ba ki nongpang covid 19 ha shnong Nongshken ki don tang 7 ngut kumta na ka liang jong nga u Rangbah shnong nga kyrpad ia phi ki paitbah ba phin ym sngap ia kane ka khubor ka bymshisha. Bad na ka liang jong nga u Rangbah shnong nga kyrpad ia kino kino kiba pynmih khubor ba kim dei ban pynmih ia ki khubor ki bymshisha namar ba kane ka ktah mationg ia ki paidbah nongshong shnong khamtam eh ia nga u Rangbah shnong.
Phi don ban ong eiei?