Shillong: Ka Bright Boys Umkor Sport Club (BBUSC) Pynursla ryngkat ka jingiatrei lang bad ki nongtrei na Sanker hospital Shillong ha ka jingiadon ryngkat ka Dr. Eddie Mukhim, Psychiatrist, Dr. S. Lahiri, MD, Kong Carrienova Lyngdoh Nongbri, M.Sc Psychiatric Nursing, bah Mc Augustine Ryngksai, Addiction Counsellor, u bah Akesh Laloo, MSW, ka la pynlong ia ka jingpynshai paidbah ne ka awareness program ha kaba iadei bad ki jingsniew na ki jingdih buaid bad kumno ban kiar na ki jingsniew.
Shwa ban sdang kane ka prokram la ioh ia ka jingpdiang burom na u president ka club bad sa ioh ia ka jinghikai na kitei ki nongtrei na Sanker. Hadien bud sa ka jingkhublei na u secretary jong ka club.
La ioh bun ki jinghikai ha kaba kumno ki samla ki dei ban kiar na ki jingdih pynbuaid kum ka kiad bad u drok.
Ha kane ka sngi la wan iashim bynta bun ki nongshong shnong bad ki samla ka shnong Umkor nalor u rangbah dong Umkor, la ong ka kyrwoh na u publicity secretary jong ka club.
Phi don ban ong eiei?