New Delhi: Ka la mih ka jing huri hura kaba jur bha mynta ka sngi, ha ka iing dorbar Rajya Sabbha, na ka daw ba ka sorkar BJP, ka don jingthmu ban pynrung ia ka Citizenship Amendment Bill, 2016 ha Rajya Sabbha mynta ka sngi.
Ki liang pyrshah, kim shym la ailad ia ka sorkar, ba kan leit rah ia katei ka bill ha ka iing dorbar Rajya Sabbha bad katei ka la pynlong ia u lamphang dorbar, ba un pynsangeh noh ia ka jingshong dorbar bad ka iing, kan ia kynduh biang ha ka 13tarik Rymphang 2019, ha ka por 11 baje mynstep.
U Rajnath Singh, u don jingthmu ban leit rah ia katei ka bill, ha ka iing dorbar, wat la kham mynshwa, ka la don ka jing iakren ban leit rah, lyngba ka jing ia hap jingmut lem bad kiwei pat ki seng sain pyrthei.
Ki nongialam jong ki seng bapher, ki don mynta ha New Delhi, ban iakren bad ki nongialam jong ki seng sain hima bapher, ba kin nym ailad ba katei ka bill, kan long ain ha ka iing dorbar Rajya Sabbha.
U N Biren Singh, myntri rangbah ka Manipur bad U Pema Khandu myntri rangbah ka Arunachal Pradesh, kiba dei ki myntri rangbah ka seng BJP, ki kren shai ba kim pdiang satia ia katei ka bill, ong ka khubor. U Conrad Sangma, myntri rangbah ka Meghalaya, ula don lypa ha Delhi, na ka bynta ban lum ia ki nongialam jong ki seng sain hima bapher, ban nym ailad ia katei ka bill, ba kan ioh ia ka jing mynjur jong ka Rajya Sabbha.
U paidbah ka North East baroh kawei ki shaniah skhem ha U Conrad Sangma ba u ieng rangbah bad un wad lut ki lad ki lynti na baroh ki seng politics ha India ban ym ailad iaka BJP ban ban pass iaka CAB ha Rajya Sabha
Ym myntoi shuh ban jied mla ne mdc namar bun sa tang ki jingiaknieh shuki,ka jaitbynriew la jot la pra hap ban shu nion ha u nota