Shillong: Ka BSNL ka la pynsangeh ia ka jingpynmih hukum ban pyllong sngi trei ha ka Good Friday ha ka 30 tarik mynta u bnai hadien ba ka sorkar jylla, ka la khot hajir ia ki bor pyniaid kane ka kompeni ka sorkar pdeng.
Kham mynshwa, ka bor pyniaid ka BSNL na Delhi ka la pynmih hukum ban pynlong trei ha good Friday ha kaba ka la wanrah ka jingpyrshah jur na ki riewngeit Khristan namar ba kane ka dei kaba kyrpang ia ki.
Ki Myntri ka sorkar jylla mynta ka sngi, ba kynthup ia u Bah AL Hek bad u James K Sangma ki la khot hajir ia u heh ka BSNL kynthup u General Manager ba peit ia ka jylla Meghalaya, u Nirmal PG bad ha kane ka jingialang, ka bor pyniaid ka BSNL ka la pynsangeh noh ia kane ka jingthmu ban pynlong trei ha ka sngi Good Friday.