Pynsangeh ka Supreme Court, ia ka hukum khang pynbeit pud ka Meghalaya High Court

Shillong:Ka ïingbishar ba ha khlieh duh jong ka ri, ka Supreme Court ha ka sngi thoh dieng, ka la shim ia ka rai ban pyn sahngeh noh ia ka hukum jong ka ïingbi shar, ka Me ghalaya High Court, haba iadei bad ka jing buhteng noh ia ka jing iasoi soskular pynbeit pud hapdeng ki ar tylli ki jylla.

Ka kynhun jong ki nongbishar ba kynthup, naduh u Chief Justice,u Dy Chandrachud, u nong bishar PS Narasimha bad u JB Pardiwala, ki la shim ia ka jingthoh ba la phah da u Solicitor General, u Tushar Mehta bad ruh ki nong ia saidaiñ ba mihkhmat ia ka jylla Assam bad Meghalaya haba iadei bad ka jing pynsahngeh noh ia ka hukum jong ka High court ka jylla Meghalaya.

Ka kynhun ki nongbishar, ka la shim jingthoh ruh haba iadei bad ka jing duh noh jong kito ki shnong ki thaw ia ki skhim pynroi tang namar ba ki shong ki sah ha ki jaka ba don ka jingia ka jia, ha kaba ia ka soskular ruh yn ym lah shuh satia ban pynkylla namar ba ka jingmynjur ka la don hapdeng ki artylli ki jylla.
Katkum ka jingthoh ba la pynmih ba ki saw ngut ki briew kiba la rah ia ki mat sha ka ïingbishar jong ka High court, haba iadei bad ki jing ia pynbeit lyngba ka jing ia sngewthuh jingmut hapdeng ki arliang mamla, haba iadei bad kiba bun ki bynta, khamtam ka jing bym lah ban peit bniah katkum ka Article ba 3 jong ka riti synshar jong ka ri.

Ha kaba ka Article ba 3, ka la aibor ia ka parliament ba kan shna aiñ haba iadei bad ka jingthaw ia ki jylla ba thymmai, ka jing pynbeit ia u pud u sam jong ki jylla ba lah don lypa.
Hadien khyndiat kynta ka ïingbishar jong ka Supreme court ka la mynjur ban shongbishar haba iadei bad ka jingkyrpad ban pynsahngeh noh shi syndon ia ka hukum jong ka Meghalaya High Court.
Ngin shong pynsngew ia kane, phah lai tylli ki kopi jong ka jingkyrpad, la ong u CJI.

Kum ban shu pynkynmaw ka single bench jong ka Meghalaya high court, ka la pynsahngeh noh ia ka jing sieh mawnongrim ha ki jaka ba la dep mynjur ban ia pynbeit pud bad ban bud ryntih ia ki jing iasoi ia ka soskular.
Ka jingiasoi soskular ba la soi ha khmat jong u myntri ka tnat kam jong ka sorkar jylla,u Amit Shah, kaba la soi da u myntri rangbah jong ka jylla Meghalaya bad Assam, ka long beit ban pynbeit noh ia u pud u sam,ha ki 12 tylli ki bynta ba ia kajia, kaba ka jing jrong ka long 884.9 kilometres ha shilynter ka khapud Meghalaya bad Assam.