Shillong: Ka Meghalaya Cricket Association (MCA) ka la pyntip mynta ka sngi ba kan pynsangeh shwa ia baroh ki lympung ialehkai naduh ka sngi Balang ban iada na ka jingsaphriang ka jingpang khlam coronavirus kaba la ktah kylleng ki ri ka pyrthei bad iap da ki hajar ngut.
Ia kane ka rai la shim hadien ba ka sorkar jylla ka la pyrkhing ban ialum paidbah ha ki jingialehkai, bad hadien ba ki dkhot ka MCA ki iakynduh ia ki bor pyniaid ka District, East Khasi Hills ki la pynsangeh noh ia ki jingialehkai baroh, kynthup ia ka Inter District Cricket Tournament U-23 ban pynlong ha Mendipathar bad Nongpoh tad haduh ban pynbna da kumwei pat.
La kyntu ia baroh ki district associations ban iaid katkum ka jingbtah jong ka advisory ka sorkar jylla, na ka liang ka MCA kam ym kit khlieh lada don kino kino ki synjuk ba iaid lait, ong ka kyrwoh khubor ba la pyllait da u G Kharkongor, Honorary Secretary MCA.
Phi don ban ong eiei?