Pynsangeh ia ka MAA ba hap U Bah Hek

Shillong, 26 Nailar: Ka jingthmu jong ka sorkar ban pyntreikam ia ka MAA prokram ha ka 27 tarik kata lashai ka sngi la pynsangeh noh hadien ba u Myntri jong kane ka tnad u Bah AL Hek u la shah pynhap shuki noh.
Ha ka jingshisha, la buh prokram ha kaba u Bah Hek uba dang long myntri por ba pynlait kyrwoh kham mynshwa, un pynlait ia kane ka prokram.
Ha ka jingpynlait khubor, u Director ka Health Services (MCH&FW) uba dei ruh u Joint Mission Director, NHM, Meghalaya mynta ka sngi u la pynbna ba namar ka daw bym lah kiar, ia kane ka prokram la hap ban pynsangeh noh kaba la buh ban long ha Ganesh Das Hospital, Shillong.