Pynsangeh elekshon ka GSU

Shillong, 12 Iaiong:
Ia ka elekshon jied nongkitkam jong ka sengbhalang ha ri lum Garo ka Garo Student Union kaba la thmu ban pynlong ha ka sngi saitjain, la hap ban pynsangeh noh namar ka jingiakynad kaba shipor para dkhot kaba la mih shuwa ka por elekshon, bad la mih ruh ar kynhun hapoh katei ka seng. Kawei ka kynhun ka kwah ba dei ban pyniaid beit ia ka elekshon ha katei ka sngi, katba kawei pat ka kynhun ka la ujor bad dawa ba dei ban pynsa ngeh noh shuwa namar ka jingbym sngewhun ia ka jingmih ki dkhot thymmai kiba la shah ba kin thep vote, namarba katei kawei ka kynhun ka pynpaw ia ka jingartatien ia kitei ki dkhot thymmai ba rung kyrteng ban thep vote. Ka elekshon ba la thmu ban pynlong ha ka sngi saitjain ka dei ka elekshon jied nongkitkam na bynta ka kam President bad General Secretary.
Katkum ka kyrwoh khubor ba la phah da ki nongialam na ki Zone bad ki Unit bapher bapher, ki la iathuh ba ka tnad elekshon katei ka seng kam shym la lah ban pynmih lut ia ka kyrteng ki dkhot ka KSU na ki Zone bad ki unit bapher bapher kumba la bthah naduh nyngkong ba dei ban wanrah lut ban pynshai ia baroh hapoh ka 12:30 baje noh sngi. Ka GSU ka la thung ia u Sanggra Sangma , Lecturrer Don Bosco College kum u chief Election Commissioner ban peit ia katei ka kam jied nongialam.
Namar katei ka jingbym ia hun ia suk hapoh ka seng na ka bynta ban jied nongkitkam da ka elekshon , ki Zone bapher bapher ka KSU ryngkat ki kyrtong kiba ia khun na ka bynta kitei ki kam ki la pynpaw ban a ka bynta ka jingiaid beit iaid ryntih hapoh ka seng dei ban pyniaid ia ak elekshon da ka thup kyrteng jong ka seng kaba dei ha u snem 2009, ki kyrtong kiba ia khun ha katei ka elekshon ki long u Zikko Balgra N Marak, Tapseng N Sangma, Alexander Grahambell R Marak, Rupa M Marak bad Tengroang R Marak.
Ki nongialam ka GSU ki la byrngem ban pynduh pyndam noh ia ka tnad elekshon jong ka namarba katei ka jingbym lah ban pynbiang ia ki jingdonkam ha ka por elekshon, bad namar katei ka jingbym lah ban pynlong elekshon la aiti ha ki nongialam na ki Zone bapher bapher ba kin shim kum ki nongpeit ba shipor ia ka seng GSU kat haduh ban da dep ka elekshon. Kiba bun ki kyrtong kiba ia khun na ka bynta ka kam President bad General Secretary ka KSU ki la pynpaw ka jingbym sngewhun ba ka EC barim jong ka GSU kan pyniaid ia ka kam seng, bad ki la ong ba shuwa ka elekshon la pynduh pyndam noh ia ka EC, bad ka EC barim kam dei shuh ban dang bteng ia ki kam jong ka seng.