Pynsangeh eksamin ka SSC namar ka peit kot tuh

New Delhi, 29 K’lyngkot:
Ka Staff Selection Commission (SSC) kala pynbna ba kan pynlong biang ia ka eksamin Combined Graduate Level Examination hadien ba ka ophis ka la ioh jingtip ba ki don ki jaka thoh esamin ki samla wad kam kiba peit kot tuh.
Ia katei ka examin ka SSC ka la dep ban pynlong ha u bnai Iaiong 21 tarik jong u snem 2013 ia ka Tier I, bad ha u bnai Jymmang 19 tarik ia ka Tier 2, bad ia ka Tier 3 ha u Nailar 2013. Kane ka jingpeit kot tuh ka long jong ka ekamin Tier 1 & 2.
Na ka liang jong ka SSC ka shim ba kane ka eksamin ka long kaba khuid ba suba bad ban pynlait na kane ka jingpeit kot tuh kala shim ia ka rai ban pynlong da kawei pat ka eksamin tang ha kito ki jaka kiba jia kane ka jingiapeit kot tuh.
Ia kane ka jingpeit kot tuh la dep ban tohkit da ki pulit jong ka nongbah Delhi bad la lap ba ka long kaba shisha. Ia ki jaka ban pynlong biang ia kane ka eksamin lah ban lap na ka website jong ka SSC.
Na ka bynta kito kiba la palat ka rta la shah ia ki ba kin thoh ia kane ka eksamin, hynrei kan long tang ia kito kiba la dep thoh mynshuwa.