Pynrung MHIS-II, U Bah Hek ia ki paidbah ha Sanmer

Shillong, 13 Nailur:
Shi bynta ka jing pynrung kyrteng ia ka Meghalaya Health Insurance Scheme phase –II, u District Medical Health Officer ka East Khasi Hills  u la pynlong ia ka jingpynrung kyrteng paidbah ban ioh bynta na kane ka skhim ia ka Mylliem Constituency ha San Mer Secondary School, Upper Shillong  ha kane ka sngi Saitjain.
Ha kane ka jingpyn rung kyrteng, la plie paidbah da u myntri ka tnad ka koit ka khiah u Bah AL Hek.
Ha kane ka jing pynrung kyrteng MHIS-II, u Bah Hek u la ong ba kane ka skhim ka dei ka jingiarap ka sorkar ia ki briew ban shah sumar ha ki jaka sumar ha kane ka jylla bad shabar ruh kiba la iateh bad ka sorkar.
U Bah Hek u la iathuh ba ha ka MHIS-I u snem 2012, ki don haduh 40 hajar tam ki longiing ba la ioh jingiarap na kane ka skhim bad ka sorkar ka la siew pisa haduh T.16 klur.
Shwa ia kane, la ioh ruh ia ka jingkren na u MLA ka thain  u Bah R.V. Lyngdoh bad ruh na u Bah M. R. Synrem u Secretary, Health & Family Welfare bad u CEO, MHIS.