Shillong:U MLA ka Khun Hynniewtrep National Awakening Movement (KHNAM) u Bah Adelbert Nongrum, hynnin ka sngi u la kyntu ia ki nongshong shnong ba ki dei ban kham phikir ia la ki jong ki ksew da kaba leit ban pynrung kyrteng ia ki ha ka tnad Shillong Municipal Board (SMB).
Kane ka jingkyntu u Bah Adelbert ka long hadien ba la mih ka jingpynbna na ka tnad Municipal haba iadei bad ka jingdonkam ban pynrung kyrteng ia ki ksew da ki trai khnang ban lah ban ithuh uno u ksew surok bad uno uba don trai lyngba ki ‘Dog Tag’.
“Ki nongshong shnong ki dei ban phikir la ki jong ki ksew ki ba dei hok jong ki trai bad ban buh ki ‘Tag’ ha ki ryndang jong ki lyngba ka municipal ba kyn leit mardor ban pynrung kyrteng la ki jong ki Ksew,” la ong u Bah Adelbert.
U la ong ruh ba ki ksew ki bym don ki ‘Tag’, ka municipal kadei ban leh kloi ban leh la ka kamram ka ba tyneh khnang ban nym long ka jingma ka jingmynsaw, ka jingsyier ia ki kyllung khynnah khnang ban nym long ka jingma ia ka imlang sahlang.
“Kumba long mynta bun ki ksew kiba ioh iaid laitlan ha surok ym tip kim dei ki ksew khlem trai lane ki dei ki ksew ba don trai bad kane ka buh jingma ia ki paidbah nongiaid lynti khamtam ha ki por mynmiet,” u la ong.
Ka jingshai ka pyrthei mynta ki sngi te ki ksew ruh hap thep vote ,bad Bala riewspah palat jylla Meghalaya ym donkam shuh ban leh bha ia ki briew ,hap leh bha sa bad ia u ksew ,.lajan dei ka por ba u ksew u dei u ba jalor….