Pynrung kyrteng, ia ka skhim MR

Shillong, 3 Naitung:
Ka jingpynrung kyrteng ia ki briew ban ioh bynta na ka skhim Chief Minister’s Social Assistance Scheme ka la iaid shaid shaid sha Garo Hills hynrei ha kane ka rilum Khasi ym pat ioh sngew ba ka tnad kan leh ia kane. Kane ka jingpyn rung kyrteng ka la sdang naduh mynta ka sngi Palei ka 3 tarik bad kan kut ha ka 16 tarik Naitung. Ia kane ka jingpynrung ban ioh bynta na kane ka skhim ka long na bynta kito kiba don jingduna ha ki dkhot met bad ki longkmie ba kynduh jingeh.
Ka jingpynrung kyrteng ka iaid ha ki thain Blcok Rongram, Dalu, Selsella, Tikkrikilla, Betasing bad Zikzak.
Ki nongtrei kum ki Anganwadi, nongiarap, ki shim ia ka bynta ban leh ia kane ka kam pynrung kyrteng. La don ka jingthmu ban pynlong “mela” ha ki man ki jaka na ka bynta kane ka kam.