Nongpoh:U Bah Sosthenes Sohtun, MLA Jirang, u la pynrem jur ia ki riew dusmon, kaba la kynnoh ba ki dei kiba na Assam bad kiba la donkti ha ka ban leit pynpra jubor ia u Mawnongrim, uba la pynieng da ka Meghalaya halor ka jingpyntrei ia ka skim MNREGA hapoh ka shnong Barapathar, kaba don ha ka thain Umtyrnga, Ri Bhoi District.
Haba iadei bad katei ka jingjia, u Bah Sosthenes Sohtun, u la ong ba kum u Nongmihkhmat, u la shimkhia eh halor katei ka jingjia, ha kaba wat na ka liang jong u, u la kyntu ia ki Pulit ba ki dei ban thwet tyngeh bad ban kem ia ki riew runar, kiba la leit ban pynpra ia u Mawnongrim ka Meghalaya ha shnong Barapathar.
Ha kaba kum kane ka por, kaba dei ka por ba ki Myntri Rangbah na Meghalaya bad Assam, ki dang don hapdeng ka jingiakren ban pynbeit noh ia u pud u sam bad kiba la pynmih ruh ia ka hukum, ba ia ki kam pynroi ym dei ban pynthut, pynban haba mih kum kitei ki jingjia na ki riew shim kabu, la dei ban leh da kaba tyngeh.
Phi don ban ong eiei?