Shillong 05 Rymphang: U bah Disparsing Rani u ba dei u nongwad RTI bapaw ka jylla ha ka sngi balang ka 05 tarik Rymphang 2025, u la pynrem jur ia ki briew ki ba wad daw ia ki nonglum khubor ki ba la ithuh da ka sorkar.
Ia kane u bah Disparsing Rani ula kren sha ki lad pathai khubor mynta ka sngi balang ha Shillong Press Club.
U bah Disparsing Rani u la ong, ba ban shu wad daw bad beiñ ia ki nonglum khubor kadei ka kam biej ka kam riewkhkaw jong kito ki ba bein.
“Ngi da sngewsih bad pynktah haduh katta katta ba u nongialam (President) jong kawei ka seng sain Pyrthei u ba la wad daw bad bein ia ki nongthoh khubor bad ia kane da lei lei ruh ngin nym lah ban pdiang”, ong u bah Disparsing Rani.
U la ong ruh, ba haba don kano kano ka jing bakla dei ban ujor beit sha ka Press Counsellor of India khnang ba ki paidbah kin tip ba mano ba bakla, ym pat ban shu kynthoh ha ki jingialang paidbah.
Shuh shuh u la ong ruh, ba Kane ka jingbein u nongialam kawei ka seng sain Pyrthei Ia ki nonglum khubor ka la ialam bakla ia u paidbah bad u ong, ba ki paidbah kidei ban sngewthuh ba ki kine ki kot khubor ba la register hapoh ka Press counsellor of India dei ki ba la ithuh da ka sorkar India bad kine ki la aikam ka ki ba bun bah ki briew.
Nalor kata u la ong, ba ka jingbein bad wad daw u nongialam jong ka seng sain Pyrthei Ia ki nongthoh khubor ka long kaei kaei ka bym lah ban pdiang ha ka imlang ka sahlang.
Ki nongthoh khubor kim nud ban iakhih ia ka jingban ka sokar u mukul ia ki khubor iakhih ne pakhang surok ne ka ban ba ai da mano 2 Kim lah shuh ban pynmih balei um leh ei2 ia kine ba long pyrshah ia ki press.ithuh ka sorkar India mut hap pynmih tang ba ong ka Sorkar?