Ka Saiñdur Tipkur-Tipkha Ieng Ehrngiew Hynñiewtrep(STIEH) da ka mynsiem kaba sngewkhia, ka pynpaw pyrshah, halor ka jingthoh ha kaba kawei ka longkmie Ka Kong Patricia Mukhim, halor ka jingthoh jong ka, halor ka jingia kynad hapdeng ki khynnah ba ia lehkai basketball ha Lawsohtun, ba ka long kum ka jingpynshit bad ka jingkynshoit jaitbynriew (communal).
Ha ka jingthoh ba la pynlait lyngba ka social media, jong kane ka editor ka Shillong Times, ka long kumba ka pyrshang ban kdew ba ki Khasi ki dei ki ba juh mlien bha ban shoh briew beit bad kiba leh beiñ ia kiwei pat ki jaitbynriew.
Ngi sngewlyngoh kumno kan shu kynnoh ia ka jaitbynriew baroh kawei.
Ka jingia nujor bad ka jingpynkynmaw ia kaei kaba lah jia ha u snem 1979 bad kane ka jingia kajia, namar tang na ka daw jong ka jingialehkai ka long kumba ka pyrshang ban kynshoit ia kaba na ka liang ki Pulit ki dei ban peit bniah ia ka kyndon ain IPC 505(1)c namar katkum ka jingthoh ka Kong Patricia Mukhim ka dei ban ngat ha kane ka kyndon.
Ngi kum ki longkmie ngi don ka jingkitkhlieh ia ka iap ka im ja jaitbynriew; ngi pynrem jur ia kane ka jingthoh ka para longkmie Ka Kong Patricia Mukhim bad ngin ym lah ban pdiang ia kum kine ki jingthoh ban pynthohbria ia ka jaitbynriew ha khmat ka pyrthei baroh kawei.
Ka jaitbynriew jongngi kam juh pynksan ia kano kano ka kam beaiñ bad ngi long shisha kiba burom ia kiwei.
Ki bar jylla ki ba don ha ka jylla jongngi, ki dei ban sngewthuh ba ka Kong Pat kam dei ba ka kwah ia da ia ki, hynrei ka kwah ban wanrah ka jingiapher jingmut tang ban ioh nong ma ka shimet.
Ngim sngewphylla shuh ia ki jingkynnoh ki jong ka, hynrei ngin ym ailad ruh ba kan ioh kynnoh khlem nongrim katba ka mon ia ka jaitbynriew jong ngi.
Ngim lah ban pdiang da leilei ruh em ia kat ka longkmie ka ba lah ioh Padmashree Award kan kren ki kyntien bad jingthoh pyniashrut JAITBYNRIEW, long kumba theh petrol ha ka ding.
Purity Phawa
(Organising secretary)
STIEH
Phi don ban ong eiei?