Pynrem pulit Assam ka RJYF

Shillong, 24 Iaiong:
Ka Ri Jaintia Youth Federation Sengkmie, ka la pynrem halor ki kam thombor ki pulit Assam ha Khanduli, u President katei ka seng u samla R.K Rym bai u la ther tyngeh ia ka jingleh donbor ki pulit ka Assam ia ki paid nong shong Shnong jong ka khanduli kaba hap hapoh ka Block 1 jong ka jylla Meghalaya West Jaintia Hills District ha kine ki khyndiat sngi bala dep, da kaba thwet ia ki nongialam Shnong tang na ka daw ba ka shnong ka la leit khang ia ki dukan kiba la die kyiad be-ain hapoh u pud u sam jong ka shnong khanduli.
Ka kyrwoh na u President ka la ong ba katei ka jingleh donbor ki pulit Assam ha katei ka thain ka pyni ba ki pynthut ia ka shongsuk shongsain ha katei ka thain bad kaba buh pat ia ka jingshong syier ia ki Khasi kiba shong ba sah ha kitei ki jaka khamtam ha ka leit ka wan ban kamai ja kpoh. Ka la kyntu ruh ia ki bor sorkar bad ki bor District ba kin shim khia ban pynbeit noh ia u pud u sam khnang ban wanrah ia ka shongsuk shongsain.