Pynrem nongleh be-ijot ka HYM

Shillong,10 Iaiong:
Ka Hynniewtrep Youth Movement, East KHasi Hills District ka la pynrem ia ki riewawria bad ki briew kiba leh beijot jubor ia ki khyn lung khynnah bad ia ki samla ne longkmie ruh, ka seng katkum ka jingpyllait khubor u Public Secretary u samla Bryan Myrthong ka seng ka pynremjur ia ka jingjia ba kum kine kiba mih na kawei ka por sha kawei ka por kaba pynjah burom ia ka Ri bad ka jait bynriew jong ngi.Ka H.Y.M. East Khasi Hills District ka la pynpaw ba ka dap da ka jingsngewkhia mynsiem ban iohi ba kine ki jingjia na ka kawei ka por sha kawei ka por ki nangmih bad kynrei ha kane ka Ri jong ngi . Ka seng ka maham ruh ia ki dukan aiwai caset bad video hall kiba ju pyni ne aiwai ia ki phlim jaboh jakhlia kaba ktah ia ka jingmut jingpyrkhat jong u briew ban leh ia ki kam awria bad ka seng ka maham jur ruh ia kito ki samla ne ki briew kiba dih ia ki jingdih pynbuaid kum ki drugs kynja kiba pynlong ia ki ban ialam sha ka jingawria.