Pynrem myntri PWD ka KSU

Shillong,2 Risaw:
Ka KSU South West Khasi Hill District Unit bad Langkynma Area Unit ka la pynrem jur ia u Myntri ba dei peit ia ka tnad PWD u Ma Sniawbhalang Dhar bad kumjuh ruh ia u Executive Engineer PDW (Roads) Ranikor Division da kaba ong ba kitei ki khlieh ka tnad PWD ki la wan ban jngoh dalade hi ia ka surok Nongjri -Borsora ha kaba ki la kular ba la kumno kumno ruh kin phah ia ki kontraktor ba kin sdang noh ia ka kam siang rong ha u bnai Nailur hynrei mynta la poi sa u risaw ruh ym pat iohi syrngiew, ong ka KSU.
Ka KSU ka la ong ba katei ka jingleh sting jong u Myntri PWD (Roads) bad ka tnat PWD (Roads) Ranikor Division bad kumjuh ruh u kontraktor , ka la ktah ia ki paidbah ka dong ka thain Borsora- Nongjri bad kumjuh ruh ia ki kali ba iaid ba ieng lyngba katei ka surok. Ka seng ka la dawa ba ki dei ban pyntreinoh kloi ia ka jingsiang rong ia katei ka surok kumba ki la kular bad ba ki dei ban pyndep ha ka por kaba biang khnang ba ki paidbah kin ioh jingmyntoi lym kumta ka seng ka la ong ba kan pynbna da ki jingiakhih ba tyngeh ban pynbor ia ka tnad ban trei dep ia katei ka surok.