Pynrem ka Seng Samla Laittyra

Shillong, 1 Nailur:
Ka Seng Samla Laittyra lyngba kane ka kyrwoh khubor ka dap da ka jingsngewsih kaba khraw ia ka jingjia jong ka jingshah pyniap I Bah Syrpailut Khonglam ha ka 26tarik Nailar, 2014 ha ka jaka trei kaba ha Meghalaya Rural Bank, Iooksi Branch.Une u rangbah u dei ruh na ka shnong trai na Laittyra.
Ka seng samla Littyra ka pynrem ia kane ka kam ki riew runar thrang snam ki ba nud wat ban shim ia ka jingim jong u manager da ka jingthmu ban lute bad ban shim da kaba suk ia ka pisa ki paitbah nongrep kiba duk ba rangli kiba la ju ioh jingiarap bad ruh kiba la lah ban kynshew shitom na ki jingpynlang barit jong ki.
U Bah S. Khonglam naduh ba u dang pule u dei u rangbah uba trei shitom bad ju iarap bha ha ki bynta ba donkam bad kum u ophisar sorkar ulong uba trei shitom bad long u ba kloi ban iarap ia ki kup shiliang ki sem shiliang ha ki bynta ba bun kiba u la leit trei ki ba ha kyndong jong ka Ri Khasi Jaintia naduh ba u la rung ha ka jingtrei ha Meghalaya Rural bank naduh u snem 1990. Mynta ki la ia shong ia sah ha Nongrim Hills bad la I lok bad lai ngut ki khun shynrang ba dangrit. Ka jingbthat jubor ia ka jingim jong une u rangbah da ki runar ka long kum kaba dkhat bad shim noh syndon ia ka hok ban im ka jong I lok ki khun ki kti kiba hap ban shaniah tylli ha la u lok uba long u kpa ka iing.
Ka seng ka ai khublei ia U S.P ka West Jaintia Hills district bad ka tnat pulit baroh kawei kiba la lah ban trei shitom bad ban kem ia ki hynriew ngut ki riew runar bad riew thrang snam.
Ka seng ka kyrpad ruh ia ka sorkar bad ia ka Meghalaya Rural Bank ba kin leh eiei bad ban iarap ruh ia I lok ki khun ki kti jong utei u Manager ba ki lah ban im kum ha ki por ba la leit. Kane ka long katkum ka kyrwoh na u Bah LS Dohling u General Secretary ka seng.